The Sun!

Jæja, það er kannski kominn tími til að ég láti heyra í mér. Við erum bara búin að taka því rólega síðustu misserin - enda tók Febrúar/mars á taugarnar (og budduna).

Skotland - Ísland á dagskránni á morgun. The Sun dagblaðið hafði samband og vildi fá að taka mynd af okkur fyrir blaðið á morgun - örugglega í einhverri fáranlegri múderingu og Ísland v. Skotland stellingu. . . við afþökkuðum pent (enda alveg búin að ná celebrity status eftir að hafa birst í tveimur tölublöðum Séð og Heyrt á síðasta ári!)

Já, ég spái Íslandi sigri... þó svo að lífið hér heima væri líklega þeim mun bærilegra ef Skotland inni

Annars eru páskarnir á næsta leyti og vonandi páskaegg (hint hint). Nefnilega svo svakalega notalegt að sitja útí garði og borða súkkulaði... annars væri skíðaferð í Bláfjöll væri alveg jafn skemmtileg!

Kveðja úr ilnum í UK.

 

Athugasemdir

[Kristjana (IP-tala skráð) 2.4.2009 kl. 13:41]

Það hefði nú annars ekki verið neitt leiðinlegt að sjá ykkur í The Sun. :) Hefði líklega alveg bjargað dögunum hér heima núna þegar hér eru ekkert nema endalausir umhleypingar og örugglega  er alltaf lokað í Bláfjöllum þessa dagana.  Páskaeggin í garðinum í vorblíðunni  eru miklu betri kostur enda á leið til ykkar og pakkað inn í morgunmatinn  að vanda :)  Mikið hefði ég nú annars viljað að boltinn hefði dottið i netið hjá Skotunum þarna í blálokin og 2-2 hefði orðið niðurstaðan.

Knús til ykkar allra, mams